ఎక్స్ క్లూజివ్-ఎన్టీఆర్ అప్ డేట్స్

ఆర్ఆర్ఆర్ తరువాత ఎన్టీఆర్ సినిమాల లైనప్ మీద ఊహాగానాలే తప్ప అఫీషియల్ కన్ఫర్మేషన్ లేదు. కొరటాలశివ డైరక్షన్ సినిమా ఎప్పుడు స్టార్ట్ అవుతుందో తెలియదు. ఆ తరువాత సినిమా ఎవరితో అన్నది క్లారిటీ లేదు. ఫ్యాన్స్ పాపం పిచ్చెక్కిపోతున్నారు. తమ హీరో లైనప్ తెలియక. అలాంటి ఫ్యాన్స్ కు ఈ ఎక్స్ క్లూజివ్ న్యూస్.

ఎన్టీఆర్-కొరటాల శివ మార్చి 20 నుంచి రెగ్యులర్..కంటిన్యూ షూట్ ప్రారంభమవుతుందని విశ్వసనీయ వర్గాల బోగట్టా. ఆ సినిమా వీలయినంత త్వరగా ఫినిష్ చేయాలని ఇటు కొరటాల, అటు ఎన్టీఆర్ పట్టుదలగా వున్నారు. ఆరు నెలల్లో తన షూట్ పార్ట్ పూర్తి చేసి వేరే సినిమా మీదకు వెళ్లాలని ఎన్టీఆర్ భావిస్తున్నారు.

ప్రశాంత్ నీల్ డైరక్షన్ లో తరువాత సినిమా వుంటుందని తెలుస్తోంది. సెప్టెంబర్ వేళకు సలార్ పనులు పూర్తి చేసి ప్రశాంత్ నీల్ ఈ సినిమా మీదకు వస్తానని మాట ఇచ్చారట. అందుకే ఆయన రావడానికి ఓ నెల ముందే ఆ సినిమా కోసం ఓ భారీ సెట్ కూడా వేసే పని ప్రారంభిస్తారని తెలుస్తోంది.

ఇలా బ్యాక్ టు బ్యాక్ రెండు సినిమాలు కనుక ఎన్టీఆర్ రెడీ చేస్తే ఫ్యాన్స్ ఫిదా అయిపోవడం గ్యారంటీ. ప్లానింగ్ అంతా పెర్ ఫెక్ట్ గా వుంటే 2024 సంక్రాంతి బరిలోకి కొరటాల-ఎన్టీఆర్ దిగుతారేమో? అదే జరిగితే రాబోయే సంక్రాంతి పోరు అత్యంత రసవత్తరంగా వుంటుంది.