సూప‌ర్‌స్టార్ మ‌హేశ్‌పై జ‌గ‌న్‌కు ‘ప్ర‌త్యేక’ అభిమానం

కృష్ణ త‌న‌యుడు, సూప‌ర్‌స్టార్ మ‌హేశ్‌బాబుపై సీఎం జ‌గ‌న్ త‌న ‘ప్ర‌త్యేక’ అభిమానాన్ని చాటుకున్నాడు.  సూప‌ర్ స్టార్ మ‌హేశ్ న‌టించిన  'సరిలేరు నీకెవ్వరు' చిత్రం ఈ నెల 11న విడుద‌ల కానుంది. ఈ సంద‌ర్భంగా జ‌గ‌న్ స‌ర్కార్ మ‌హేశ్ అభిమానుల‌కు ఓ శుభ‌వార్త అందించింది. ఈ నెల 11న విడుద‌ల నాటి నుంచి 17వ తేదీ వ‌ర‌కు ప్ర‌త్యేక ప్ర‌ద‌ర్శ‌న‌ల‌కు జ‌గ‌న్ స‌ర్కార్ అనుమ‌తి ఇచ్చింది.



రోజుకు ఆరు షోలు ప్ర‌ద‌ర్శ‌న‌కు జ‌గ‌న్ స‌ర్కార్ గ్రీన్ సిగ్న‌ల్ ఇచ్చింది. ప్ర‌త్యేక ప్ర‌ద‌ర్శ‌న‌ల అనుమ‌తి కోరుతూ చిత్ర నిర్మాత అనిల్ సుంక‌ర రాష్ట్ర ప్ర‌భుత్వానికి లేఖ రాశాడు. ఈ లేఖ‌పై ప్ర‌భుత్వం సానుకూలంగా స్పందించింది. వారం పాటు అద‌నంగా రెండు షోల ప్ర‌ద‌ర్శ‌న‌కు అనుమ‌తి ఇచ్చి హీరో కృష్ణ కుటుంబంపై జ‌గ‌న్ త‌న అభిమానాన్ని చాటుకున్నాడు.



దివంగ‌త వైఎస్సార్‌తో హీరో కృష్ణ కుటుంబానికి మంచి అనుబంధం ఉంది. వారిద్ద‌రు మంచి స్నేహితులు. అనేక సంద‌ర్భాల్లో వైఎస్సార్‌పై కృష్ణ ప్ర‌శంస‌లు కురిపించిన విష‌యం తెలిసిందే.  విజ‌య‌నిర్మ‌ల మృతి సంద‌ర్భంలో కూడా కృష్ణ‌ను సీఎం జ‌గ‌న్ ప‌రామ‌ర్శించి ఓదార్చారు. ప్ర‌స్తుతం సినిమా అద‌న‌పు ప్ర‌ద‌ర్శ‌న‌కు అడిగిన వెంట‌నే జ‌గ‌న్ స‌ర్కార్ అనుమ‌తి ఇచ్చి చిత్ర‌ప‌రిశ్ర‌మ‌పై స‌ర్కార్ సానుకూల ధోర‌ణిని వ్య‌క్తం చేసింది.