భారతరత్న ఎన్టీఆర్: ఏ రోటికాడ ఆ పాట కాకూడదు!

‘ఎన్టీఆర్’కు భారతరత్న అవార్డు అనేది పతాక శీర్షికల్లో కనిపించడం అంత కష్టమా? ఎన్టీ రామారావు భారతరత్న పురస్కారానికి అర్హత ఉన్నదా లేదా? తెలుగు రాష్ట్రాల్లో మరెవరికి కేంద్రం భారతరత్న ఇవ్వదలుచుకుంటే, ఎన్టీఆర్‌ను తప్ప మరెవరు అర్హులు? అనే ప్రశ్నలు ఆయన అభిమానులకు మాత్రమే కాదు, సాధారణ ప్రజలకూ ఎదురవుతాయి.

అయితే ఇన్నేళ్లుగా ఎన్టీఆర్‌కు ఆ పురస్కారం మాత్రం అందలేదు. ఎన్టీఆర్ సినీ వజ్రోత్సవాల సందర్భంగా విజయవాడలో నిర్వహించిన సభలో చంద్రబాబునాయుడు, ‘‘ఎన్టీఆర్‌కు భారతరత్న ఇచ్చేవరకు పోరాడుతాం, సాధిస్తాం,’’ అని హర్షధ్వానాల మధ్య ప్రకటించారు. అయితే, ఈ మాటలు చంద్రబాబు చిత్తశుద్ధితో చెప్పారా? లేక ఇది రాజకీయ నాయకులకు బాగా అలవాటైన ‘‘ఏ రోటికాడ ఆ పాట’’ అన్నట్టుగా, జనాన్ని మెప్పించడానికే చెప్పారా? అనేది ప్రజల సందేహం.

‘‘పాత్రకు ప్రాణం పోసిన ఏకైక నటుడు ఎన్టీఆర్’’ అంటూ చంద్రబాబు ప్రశంసించారు. ‘‘ఎన్టీఆర్ రూపంలోనే మనం ఇవాళ దేవుడిని చూస్తున్నాము. 300 చిత్రాల్లో ఏ పాత్ర చేసినా ఆయన అందరినీ మెప్పించగలిగారు. అంతటి వైవిధ్యమైన నటుడు మరొకరు లేరు,’’ అని ఆయన కొనియాడారు.

భారతరత్న విషయానికి వస్తే, చంద్రబాబు మాట్లాడుతూ, ‘‘ఎన్టీఆర్‌కు భారతరత్న ఇవ్వడం అంటే తెలుగుజాతిని గౌరవించడం. ఆయనకు భారతరత్న ఇస్తేనే ఇది సాధ్యమవుతుంది. ఆ పురస్కారం ఇవ్వించే వరకు నేను పోరాడుతాను,’’ అని చెప్పారు. డైలాగుల పరంగా ఇది స్ఫూర్తిదాయకంగానే ఉంది. కానీ, ఇలాంటి మాటలను చంద్రబాబు ఇవాళే మొదటిసారి చెబుతున్నారా?

ఎన్టీఆర్ జయంతి, వర్ధంతి సందర్భంగా ప్రతి ఏడాది ఇలాగే చెబుతూ వస్తున్న చంద్రబాబు, ‘‘ఇప్పుడే పోరాటం మొదలుపెడతాను’’ అని చెప్పడం ప్రజలకు కామెడీగా అనిపిస్తోంది. కేంద్రంలో ప్రభావశీలమైన ఎన్డీయే కూటమిలో సభ్యత్వం ఉన్నప్పుడు కూడా చంద్రబాబు ఈ విషయాన్ని ముందుకు తేవలేదన్న విమర్శలు ఉన్నాయి.

ఎన్టీఆర్‌కు భారతరత్న ఇస్తే, ఆయన లీగల్ భార్య లక్ష్మీపార్వతి ఆ పురస్కారం స్వీకరించాల్సి ఉంటుంది. లక్ష్మీపార్వతి స్వీకరణ నందమూరి కుటుంబానికి ఇష్టం ఉండదన్న అభిప్రాయాలు కలిగాయి. ఈ కారణంగా కేంద్రం భారతరత్న ఇవ్వడానికి సుత్తి వేస్తుందన్న వాదనలు వినిపిస్తున్నాయి. మరింతగా, చంద్రబాబు ఎన్టీఆర్‌కు ఆ పురస్కారం రాకుండా అడ్డుకుంటున్నారన్న ఆరోపణలు కూడా ప్రజల్లో ఉన్నాయి.

ఇలాంటి సందేహాలు తొలగాలంటే, చంద్రబాబు తన చిత్తశుద్ధిని నిరూపించుకోవాలి. ఎలాంటి రాజకీయ ఉద్దేశాలు లేకుండా వెంటనే ఎన్టీఆర్‌కు భారతరత్న ఇప్పించే చర్యలు చేపట్టాలని ప్రజలు డిమాండ్ చేస్తున్నారు.