నితిన్- విక్రమ్ కుమార్- యువి

విక్రమ్ కె కుమార్ – నితిన్ సినిమా ఎక్కే గుమ్మం దిగే గుమ్మం అనే పరిస్థితి వుంది. ఈ సినిమా ప్రయిమ్ షో నిరంజన్ రెడ్డి నిర్మించాలి. కానీ డబుల్ ఇస్మార్ట్ తరువాత పరిస్థితి మారింది. సినిమాకు వేరే నిర్మాత వుంటారు అనే వార్తలు వినిపించాయి. కానీ తరువాత మళ్లీ కార్డ్ మారింది. నితిన్ తో ప్రయిమ్ షో నే ఈ సినిమా నిర్మిస్తుందని వార్తలు వినిపించాయి. అయితే ఇప్పుడు ఫైనల్ గా నితిన్ – విక్రమ్ కుమార్ సినిమా ఇప్పుడు యువి చేతికి వచ్చింది.

యువి సంస్థ ఈ సినిమాను నిర్మించబోతోంది. ప్రస్తుతం రెండు సినిమాలు నితిన్ పూర్తి చేస్తున్నారు. మరో సినిమాకు ఓకె చెప్పారు. వెంకీ కుడుమల రాబిన్ హుడ్ డిసెంబర్ లో విడుదల అవుతుంది. వేణు శ్రీరామ్.. తమ్ముడు సినిమా ఫిబ్రవరిలో వస్తుంది. అది కాక వేణు ఎల్దండి దర్శకత్వంలో ఎల్లమ్మ సినిమా చేయాల్సి వుంది. దాంతో పాటే సమాంతరంగా విక్రమ్ కే కుమార్ సినిమా కూడా వుంటుంది.

యువి సంస్థ చాలా సినిమాలు ప్లాన్ చేస్తోంది. అఖిల్, శర్వానంద్, గోపీచంద్ ఇలా చాలా మంది హీరోలు లైన్ లో వున్నారు. ఆ జాబితాలో విక్రమ్ కే కుమార్ సినిమా ఒకటి.