Epaper
టాలీవుడ్‌లో మ‌రో మల్టీస్టారర్ రాబోతోందా..? ఈసారి ఇద్దరు స‌మ‌కాలికులు తెర‌పై క‌నిపించ‌బోతున్నారా? ఆ అవ‌కాశాలు ఉన్నాయంటున్నారు ఫిల్మ్‌న‌గ‌ర్ వ‌ర్గాలు. ఒకేత‌రంనాటి అగ్ర హీరోలు నాగార్జున, వెంక‌టేష్‌. మల్టీస్టారర్ అంటే ఇద్దరికీ మ‌క్కువే. అలాంటి సినిమాల్ని ముందు ప్రొత్సహించింది వీళ్లే. ఇమేజ్‌ల‌ను ప‌క్కన పెట్టి న‌టించే స‌త్తా ఉన్న హీరోలు వీళ్లే.
కానీ ఒక్కసారి కూడా తెర పంచుకోలేదు. ఇప్పుడా అవ‌కాశం వ‌చ్చిన‌ట్టు స‌మాచార‌మ్‌. ఓ అగ్ర ద‌ర్శకుడు వీరిద్దరి కోసం క‌థ రెడీ చేసే ప‌నిలో ప‌డ్డాడు. లైన్‌కి నాగ్‌కి ఇది వ‌ర‌కే వినిపించాడ‌ట. ఇప్పుడు వెంకీ నుంచి గ్రీన్ సిగ్నల్ తీసుకొనే ప‌నిలో ఉన్నాడు. వెంకీ కూడా ఓకే అంటే…. అస‌లు సిస‌లైన మల్టీస్టారర్ చూడొచ్చు.
మ‌రోవైపు నాగ్, వెంకీలు కూడా మల్టీస్టారర్ క‌థ‌ల‌తోనే బిజీగా ఉన్నారు. నాగార్జున, ఎన్టీఆర్ క‌ల‌యిక‌లో ఓ చిత్రం రూపుదిద్దుకోనుంది. ఇక వెంకీ, ప‌వ‌న్‌ల గోపాల గోపాల సెట్స్‌పై ఉంది. ఇవి రెండూ పూర్తయ్యాకే నాగ్, వెంకీ జోడీ క‌ట్టే అవ‌కాశం ఉంది. ఆ ద‌ర్శకుడెవ‌రు? ఏ బ్యాన‌ర్‌లో ఈ సినిమా రాబోతోంది అనే విష‌యాలు త్వర‌లో తెలుస్తాయి.