Epaper
నటవారసులు శరవేగంగా సిద్ధమౌతున్నారు. వెండితెరపైకి వచ్చేందుకు వడివడిగా అడుగులేస్తున్నారు. పవన్ కల్యాణ్ ఆల్రెడీ తన కొడుకు అకిరాను బయటకు తీసుకొచ్చారు. ఎప్పుడైతే ఎమ్మెల్యేగా గెలిచారో, ఆ క్షణమే అకిరాను ఓ 3 రోజుల పాటు తన వెంట తిప్పారు. ఇప్పుడు మహేష్ బాబు వంతు.
మహేష్ బాబు కొడుకు గౌతమ్ కూడా వెండితెరపైకొచ్చేందుకు ఫాస్ట్ గా రెడీ అవుతున్నాడు. తన కెరీర్ లో తొలి థియేటర్ స్టేజ్ పెర్ఫార్మెన్స్ ఇచ్చాడు గౌతమ్. కాకపోతే ఇక్కడ కాదు, లండన్ లో. ఇతడి తొలి ప్రదర్శనకు మహేష్ బాబు కుటుంబసమేతంగా హాజరయ్యాడు. కొడుకు యాక్టింగ్ టాలెంట్ కు మహేష్-నమ్రత ఫిదా అయ్యారు.
గౌతమ్ చాన్నాళ్లుగా యాక్టింగ్ నేర్చుకుంటున్నాడు. స్కూల్ డేస్ లోనే అతడు తన ఫ్రెండ్స్ తో కలిసి కొన్ని షోలు చేశాడు. అంతకంటే ముందు తండ్రి నటించిన 1-నేనొక్కడినే సినిమాతో బాలనటుడిగా కూడా ఎంట్రీ ఇచ్చాడు.
నందమూరి తారకరామారావు (జానకిరామ్ కొడుకు)ను త్వరలోనే తెరపై చూడబోతున్నాం. ఇక నందమూరి మోక్షజ్ఞ, అకిరా నందన్, గౌతమ్ ఘట్టమనేని కూడా అతి త్వరలోనే తెరపైకి రాబోతున్నారు.