ఈసారి లీకులు గ్యారెంటీ రాజమౌళీ?

మహేష్, రాజమౌళి సినిమా.. అసలేం జరుగుతోంది? దీనిపై ఎవ్వరికీ ఎలాంటి స్పష్టత లేదు. కొంతమంది షూట్ అంటారు, మరికొంతమంది రిహార్సల్స్ అంటారు. ఏదో జరుగుతోంది కానీ బయటకు రావట్లేదు. చివరికి కొబ్బరికాయ కొట్టిన విషయం కూడా చెప్పలేదు.

అయితే ఈసారి మహేష్-రాజమౌళి సినిమాకు లీకులు తప్పకపోవచ్చు. ఎందుకంటే, ఈ సినిమా ఇప్పుడు ఔట్ డౌర్ కు షిఫ్ట్ అయింది. ఔట్ డోర్ లో షూటింగ్ అంటే బయట వ్యక్తుల్ని, వాళ్ల చేతుల్లో ఉన్న సెల్ ఫోన్స్ ను కంట్రోల్ చేయడం కష్టం.

ఈ ప్రభావం ఆల్రెడీ మొదలైంది. తమ సినిమా నెక్ట్స్ షెడ్యూల్ కోసం ఒరిస్సాలోని కోరాపుట్ కు వెళ్లింది యూనిట్. అక్కడ ల్యాండ్ అవ్వగానే మహేష్ ను క్లిక్ మనిపించారు జనం. అయితే ఇక్కడ ఇంట్రెస్టింగ్ మేటర్ ఇది కాదు. ఈ సినిమాలో పృధ్వీరాజ్ సుకుమారన్ కూడా నటిస్తున్నాడనే విషయం బయటపడింది. ఆ స్టిల్స్ కూడా లీక్ అయ్యాయి.

ఇక సినిమా సెట్స్ పైకి వెళ్లిన తర్వాత ఇంకెన్ని లీకులొస్తాయో చూడాలి. అన్నట్టు కోరాపుట్ లో ఈ మూవీ కోసం వేస్తున్న సెట్ ప్రాపర్టీస్ ను కూడా కొంతమంది సీక్రెట్ గా వీడియోలు తీసి సోషల్ మీడియాలో వదిలారు.

చూస్తుంటే, ఈసారి లీకుల్ని ఆపడం రాజమౌళి వల్ల కూడా కానట్టుంది. ఈ మూవీకి ఇకపై అన్నీ ఔట్ డోర్ షూటింగ్సే. వైజాగ్, కెన్యా, శ్రీలంక.. ఇలా ఎక్కువ భాగం ఔట్ డోర్ లోనే ప్లాన్ చేశారు.