Epaper
సినిమా అన్నాక ఐటమ్ సాంగ్…వుండాలి..ఐటమ్ సాంగ్ అన్నాక కవ్వింపు కనిపించాలి. అందుకే మాచర్ల నియోజకవర్గం సినిమా కోసం మాంచి మాస్ ఐటమ్ నెంబర్ ను రెడీ చేసారు.
ఈ సాంగ్ లో అంజలి చాలా కవ్వింపుగా, ‘ రా..రా..రెడ్డీ..నేను రెడీ అంటూ పాడుతూ చిందేసింది. మాచర్ల నియోజకవర్గం అంటూ పొలిటికల్ టచ్ యాక్షన్ జానర్ సినిమాకు రాజశేఖర్ రెడ్డి దర్శకత్వం వహించారు. ఈ సినిమా విడుదల మరో నెలరోజులు వుండడంతో పబ్లిసిటీ స్టార్ట్ చేసారు. అందులో భాగంగానే ఈ పాటను విడుదల చేసారు.
మహతి స్వరసాగర్ సంగీతం అందించిన ఈ పాటను కాసర్ల శ్యామ్ రచించగా జానీ మాస్టర్ నృత్య రీతులు కూర్చారు.పాట మధ్యలో, నితిన్ తొలి సినిమాలోని ‘రాను రాను అంటూనే చిన్నది’ పాట బిట్ ను యాడ్ చేయడం విశేషం. పాట మొత్తం ఫుల్ ఎనర్జిటిక్ గా సాగింది. అంజలి, గ్రూప్ డ్యాన్సర్లతో నితిన్ కూడా పదం కలిపారు. అంజలి చాలా అందంగా, క్యూట్ గా కనిపించింది పాటలో.
టాగోర్ మధు, ఆకెళ్ల రాజ్ కుమార్, సుధాకరరెడ్డి కలిసి ఈ సినిమాను నిర్మిస్తున్నారు. రంగ్ దే లాంటి క్లాస్ లవ్ స్టోరీ, అంథాదూన్ లాంటి థ్రిల్లర్ తరవాత నితిన్ ఈ హై ఓల్డేజ్ యాక్షన్ పొలిటికల్ డ్రామా చేస్తున్నారు. ఈ సినిమా ఆగస్టు 12న విడుదలవుతుంది.