కలెక్టర్ పాత్రలో మెగా హీరో

సాయి తేజ్ కొత్త సినిమాకు సంబంధించి మరో అప్ డేట్ ఇది. దేవకట్టా దర్శకత్వంలో ఈ హీరో ఓ సినిమా చేస్తున్న సంగతి తెలిసిందే. ఆ మూవీకి రిపబ్లిక్ అనే టైటిల్ ను పరిశీలిస్తున్నారు. ఇప్పుడీ సినిమాలో సాయితేజ్ రోల్ ఏంటనేది బయటకొచ్చింది.

పొలిటికల్ బ్యాక్ డ్రాప్ తో తెరకెక్కుతున్న ఈ సినిమాలో సాయితేజ్, ఐఏఎస్ ఆఫీసర్ గా కనిపించబోతున్నాడు. కెరీర్ లో ఇలాంటి పాత్ర చేయడం సాయితేజ్ కు ఇదే తొలిసారి. ఈ సినిమాలో అతడు సామాజిక బాధ్యత కలిగిన యంగ్ అండ్ ఎనర్జిటిక్ ఐఏఎస్ ఆఫీసర్ పాత్రలో కనిపించబోతున్నాడు.

ఈ సినిమాకు సంబంధించి ఇప్పటికే 60శాతం షూటింగ్ పూర్తయింది. ఏలూరు, కొల్లేరు సరస్సు చుట్టుపక్కల ప్రాంతాల్లో మరో షెడ్యూల్ ప్లాన్ చేస్తున్నారు. నివేత పెతురాజ్, ఐశ్వర్య రాజేష్ హీరోయిన్లుగా నటిస్తున్న ఈ సినిమాకు మణిశర్మ సంగీతం అందిస్తున్నాడు.

రీసెంట్ గా ఓ థ్రిల్లర్ సినిమా స్టార్ట్ చేశాడు సాయితేజ్. సుకుమార్ శిష్యుడు ఈ సినిమాతో దర్శకుడిగా పరిచయమౌతున్నాడు. దేవ కట్టా సినిమాతో పాటు ఈ థ్రిల్లర్ మూవీని 2021లో రిలీజ్ చేయాలని టార్గెట్ గా పెట్టుకున్నాడు సాయితేజ్

రాయ‌పాటి రాజ‌కీయం,వ్యాపారం