ఈ వారం ఓటీటీ విడుద‌లల్లో సూప‌ర్ హిట్ మూవీ!

ఈ మ‌ధ్య‌కాలంలో థియేట‌రిక‌ల్ రిలీజెస్ లో మంచి రివ్యూలు పొందిన సినిమా స‌త్యం సుంద‌రం. తెలుగులోకి అనువాదం అయ్యి మంచి టాక్ ను పొందింది ఈ సినిమా. దీన్ని థియేట‌ర్ల‌లో మిస్ అయిన వారికి ఈ వారంలో ఇది ఓటీటీలో అందుబాటులోకి వ‌స్తోంది. 22 సంవ‌త్స‌రాల త‌ర్వాత సొంతూరికి వ‌చ్చిన వ్య‌క్తికి దూర‌పు బంధువుల క‌ల‌యిక మ‌ధ్య‌న సాగే క‌థ‌గా ఈ సినిమా ఆక‌ట్టుకుంది. నెట్ ఫ్లిక్స్ లో ఈ సినిమా అక్టోబ‌ర్ 25 శుక్ర‌వారాన విడుద‌ల అవుతోంది. ఇలాంటి సినిమాల‌కు ఓటీటీలో తిరుగులేని ప‌రిస్థితులే ఉంటాయి. వారం ఓటీటీ విడుద‌లల్లో ఇదే ఛాంపియ‌న్ గా నిల‌వ‌బోతోంది.

అయితే పోటీలో మ‌రి కొన్ని సినిమాలు, వెబ్ సీరిస్ లున్నాయి. నెట్ ఫ్లిక్స్ లోనే డైరెక్ట్ రిలీజ్ ఒక‌టి ఆస‌క్తి రేపుతూ ఉంది. కాజోల్, కృతీస‌న‌న్ లు ప్ర‌ధాన పాత్ర‌లు పోషించిన దో ప‌త్తీ ఈ శుక్ర‌వారం డైరెక్ట్ ఓటీటీ రిలీజ్ కాబోతోంది. ఇదొక మస్ట‌ర్ మిస్ట‌రీ క‌థ అని ట్రైల‌ర్ ను బ‌ట్టి అర్థం అవుతూ ఉంది. హిందీ సినీ ప్రియులు ఈ సినిమా కోసం వేచి ఉన్నారు.

ఇక ఈ ఏడాది మార్చిలో విడుద‌లైన హిందీ సినిమా జ్విగ‌టో కూడా ఈ శుక్ర‌వారం రోజున ఓటీటీలో అందుబాటులోకి రాబోతోంది. క‌పిల్ శ‌ర్మ ప్ర‌ధాన పాత్ర పోషించిన ఈ సినిమాకు నందితాదాస్ డైరెక్ట‌ర్. ఐఎండీబీ రేటింగ్ 6.8గా ఉన్న ఈ సినిమా అమెజాన్ ప్రైమ్ లో అందుబాటులోకి వ‌స్తోంది.

చిన్న పిల్ల‌లను బాగా అక‌ట్టుకున్న వెబ్ సీరిస్ ది లెజెండ్ ఆఫ్ హ‌నుమాన్ న్యూ సీజ‌న్ కూడా ఈ శుక్ర‌వారం నుంచి అందుబాటులోకి రానుంది. ఇది హాట్ స్టార్ల‌లో అందుబాటులో ఉంటుంది. అయితే బోలెడు పుక్కిటి పురాణాల క‌థ ఇది.

నెట్ ఫ్లిక్స్ లో ఒక కే-డ్రామా కూడా ఈ వారం విడుద‌ల అవుతోంది. హెల్ బౌండ్ సీజ‌న్ 2 ఈ శుక్ర‌వారం నుంచి నెట్ ఫ్లిక్స్ లో అందుబాటులో ఉంటుంది. కొరియ‌న్ వెబ్ సీరిస్ ల‌కు క‌ళ్ల‌ప్ప‌గించే వాళ్ల సంఖ్య క్ర‌మంగా పెరుగుతున్న నేప‌థ్యంలో ఇది వారికి ఫుల్ ఎంట‌ర్ టైన్ మెంట్ ఇవ్వ‌నుంది.

ఈ వారంలోనే నెట్ ఫ్లిక్స్ మ‌రో థ్రిల్ల‌ర్ ను అందుబాటులోకి తెస్తోంది. డోంట్ మూవ్ పేరుతో అక్టోబ‌ర్ 25న థ్రిల్ల‌ర్ మూవీ నెట్ ఫ్లిక్స్ లో విడుద‌ల‌వుతోంది. నెట్ ఫ్లిక్స్ లోనే టెరిట‌రీ అనే డ్రామా, క్యాన‌రీ బ్లాక్ అనే యాక్ష‌న్ ఎంట‌ర్ అమెజాన్ లో ఈ వారంలో అందుబాటులోకి వ‌చ్చాయి.

జియో సినిమాలో బైక్ రైడ‌ర్స్, నెట్ ఫ్లిక్స్ లోనే ఫ్యామిలీ ప్యాక్, బ్యూటీ ఇన్ బ్లాక్, సోని లైవ్ లో మిలియ‌న్ డాల‌ర్స్ లిస్టింగ్ ఇండియా, యాపిల్ టీవీ ప్ల‌స్ లో బిఫోర్ .. త‌దిత‌ర వెబ్ సీరిస్ లు, సినిమాలు అందుబాటులో ఉన్నాయి ఈ శుక్ర‌వారం నుంచి.