బన్నీ కోసం మరో పెద్ద కంపెనీ?

కొన్ని రోజుల కిందటి సంగతి. అల్లు అర్జున్, అట్లీ కలయికలో రాబోతున్న సినిమా నుంచి సన్ పిక్చర్స్ సంస్థ తప్పుకున్నట్టు గాసిప్స్ వచ్చాయి. ఇప్పుడా ఊహాగానాలకు ఊతమిచ్చే మేటర్ బయటకొచ్చింది.

బన్నీ-అట్లీ ప్రాజెక్టులోకి ఇప్పుడు ఓ బడా సంస్థ ఎంటర్ కాబోతోంది. అన్నీ అనుకున్నట్టు జరిగితే జీ స్టుడియోస్ కంపెనీ, బన్నీ నెక్ట్స్ ప్రాజెక్టును నిర్మిస్తుంది. రీసెంట్ గా వచ్చిన గేమ్ ఛేంజర్ సినిమాను దిల్ రాజుతో కలిసి నిర్మించింది ఈ సంస్థ.

అయితే జీ స్టుడియోస్ ఎప్పుడూ సోలోగా సినిమాలు చేయదు. కాబట్టి కచ్చితంగా మెయిన్ ప్రొడ్యూసర్ ఒకరు ఉండాల్సిందే. సన్ పిక్చర్స్, జీ గ్రూప్ కలిసే సమస్య లేదు కాబట్టి దాదాపు సన్ పిక్చర్స్ తప్పుకున్నట్టే. ఆ స్థానంలో దిల్ రాజు లాంటి పెద్ద నిర్మాత ఒకరు సీన్ లోకి రావాల్సి ఉంది. అదెవ్వరనేది ప్రస్తుతానికి సస్పెన్స్.

మరోవైపు బన్నీ-అట్లీ సినిమా ఆగిపోయిందనే వార్తల్లో నిజం లేదు. ఈ సినిమా ఉందనే విషయాన్ని నిర్మాత రవిశంకర్ ఈరోజు పరోక్షంగా వెల్లడించారు. త్వరలోనే అట్లీతో బన్నీ సినిమా చేస్తారని, ఆ తర్వాత త్రివిక్రమ్ మూవీ ఉంటుందని.. ఆ 2 సినిమాలు పూర్తయిన తర్వాత పుష్ప-3 వస్తుందని క్లారిటీ ఇచ్చారు.