మానవ విద్రోహ శక్తుల హక్కుల సంఘం

మానవ హక్కుల సంఘం జిందాబాద్.. మిగతా మానవులంతా ముర్దాబాద్  

నమస్తే మానవ హక్కుల సంఘం సార్ !

నమస్తే భాయ్.. ఎవర్నువ్వు ?

ఏ హక్కులూ లేని ఆంఆద్మీ నన్నా.

నీ హక్కుల గురించి చూసుకునేందుకు నేనున్నా కదా- ఇంకా నీకు వేరే హక్కుల్తోటి ఏమ్పనిరా?

ఏమీ లేదు గాని.. నువ్వు చేసే పనులేందో జరంత తెల్సుకున్దామనచ్చినా. 

అరే హౌలే.. మేమేమ్జేసినా గానీ చానలోళ్ళు 365/7 తోటి దంచుడే దంచుడు గదురా.. ఆడ చూళ్ళేమళ్లా?

చూసినామన్నా.. గదే నాకు సమజ్ కాలే.. దాన్దిక్కు కెళ్ళే నీతోటి మాట్లాడదామనొచ్చినా. 

ఇందులో సమజ్ కాని దేమున్నదిరా. మానవ హక్కుల ఉల్లంఘన జరిగినప్పుడల్లా. ఉల్లంఘించిన వారి మీద కేసులు పెడతాం. అందుకు భాద్ధ్యులయిన వారిని శిక్షించే వరకు నిద్రపోము. పోనీము.

అంటే మీ పోరాటమంతా పోలీసులతోనే అన్నట్లు.. గంతనేనా?

అరే పాగల్.. పోలీసుల తోనే గాదురా, ప్రభుత్వం మీదా, ప్రభుత్వ అధికారుల మీద గూడా పోరాడతామన్నట్లు.

గంటె వాళ్ళు తప్ప ఇంకెవరు ఆ హక్కులు ఉల్లంఘించినా మీకు ఓకే అన్నట్లు. 

అరే నీయవ్వ.. ఎవరు ఉల్లంఘించినా పోరాడతామురా.

అయితే పోలీసులకూ నగ్జలయిట్స్‌కూ యుద్ధం జరిగిందనుకో.. గప్పుడు ఎవలి తరపున పోరాడతావ్? 

ఇంకా డవుటేన్దిరా.. నగ్జ్ లైట్స్ చనిపోతే వాళ్ళ తరపునే పోరాడతాం.  

వొక వేళ నగ్జలైట్స్  పోలీస్ లందరినీ బాంబ్‌లతో లేపేస్తే? అప్పుడు ఎవరి సైడ్ కొట్లాడతావ్?

ఎవరి సైడూ కొట్లాడం.

అదేంది? నగ్జలైట్స్ కూడా మానవ హక్కుల ఉల్లంఘనకు పాల్పడ్డారు కదా.

అరే బేవకూఫ్ ! పోలీసులు చావటం వారి డ్యూటీలో భాగంరా.

అంటే వాళ్ళు మనుసులు కాదా? వాళ్లకు కుటుంబాలుండవా? వాళ్ళు పోరాడేది ఎవరి కోసం? ప్రజల కోసం కాదా?

ఇగో.. గవన్నీ మాకు సంబంధం లేదు.

గదట్లుందనీ.. ఇసుక మాఫియా వాళ్ళు ప్రభుత్వాధికారులను లారీలతో చేజ్ చేసి వాళ్ళ మీదెకళ్లి  లారీలను నడిపి చిత్రవధ చేసిన్రనుకో.. గప్పుడెవరి  దిక్కు పోరాదతావ్?

ఇగో.. ఒక్క సంగతి యాదుంచుకో.. పోలీసులు, ప్రభుత్వాధికారులు, గెట్లయినా చావనీ.. మాకేం సంబంధం ఉండది.

గిదేన్దిరా భాయ్.. ఆళ్ళు మనుషులు కాదా? ఆళ్ళకి మానవ హక్కు లుండవా?

ఉండయ్.. మా సంఘం ఆళ్ళను మనుషుల్లెక్క గుర్తించది.

మరి టెర్రరిస్ట్‌ల సంగతేంది? పోలీసులు ఆళ్ళను గూడా చంపొద్దా?

పోలీసులెవల్లనీ చంపోద్దురా.. సమజ్ గాదా నీకు?

మరి ఆ టెర్రరిస్ట్‌లు ప్రజలందరినీ బాంబ్ లేసి లేపేస్తున్రు గదా.

ప్రజలు చస్తే చావనీ.. మాకేం సంబంధం లేదు. 

గంటే సంఘ విద్రోహులూ, సంఘ వ్యతిరేక శక్తులూ, మాఫియాలూ, టెర్రరిస్ట్‌లూ, ప్రేమ పేరుతొ అమ్మాయిల మీద యాసిడ్ కొట్టి చంపే వోళ్ళూ, ఈల్లందరి దిక్కునా 
పోరాడతావన్నట్లు. మిగతా ప్రజ లందర్నీ చావనీ, నాశన మయిపోనీ, నీకేం సంబంధం ఉండది.. గంతనేనా?

అవ్. 

గసంటప్పుడు నువ్వు మానవ హక్కుల సంఘం అని పేరెందుకు పెట్టు కున్నావ్?

మరేం పేరు పెట్టుకోవాలె?

మానవ విద్రోహ శక్తుల  హక్కుల సంఘం.. అని పెట్టుకోవాలె.

నీకేం తిక్క తిక్క గున్నదా? గదేం పేర్రా?

నచ్చలేదా? పోనీ ఇంకో పేరు ట్రై చెయ్.

ఏదది?

ప్రజా హక్కుల వ్యతిరేక సంఘం.. అని పెట్టుకో. సెంట్ పర్సెంట్ సూటవుతది.

యర్రంశెట్టి  సాయి