ఆ సినిమాకు ఆ ఛానెల్ ఫైనాన్స్

సినిమాలు రాజకీయాలే కాదు..సినిమాలు మీడియా కూడా ఎప్పుడూ చెట్టాపట్టాలేసుకునే వుంటాయి. అందులోనూ ఇటీవల ఛానెళ్లు సినిమాలు పెట్టుబడి పెట్టడం కూడా మొదలయింది. ఎలాగూ పబ్లిసిటీ చేయాలి.. తాము ఫైనాన్స్ చేస్తే, తమకు వడ్డీ వస్తుంది.పైగా ఆ మొహమాటంతో ఆ సినిమాకు సంబంధించిన పబ్లిసిటీలో ఎక్కువ భాగం దక్కుతుంది. ఇంకా ఇంకా చాలా వ్యవహారాలు వుంటాయి. 

లేటెస్ట్ బజ్ ఏమిటంటే.. త్వరలో విడుదల కాబోయే ఓ భారీ సినిమాకు తెలుగునాట లీడింగ్ చానెళ్లలో ఒకటి గా వున్న చానెల్ అధిపతి ఫైనాన్స్ చేసారని వార్తలు వినిపించడం. ఆ ఛానెల్ అధిపతికి ఆ నిర్మాతకు మంచి సంబంధాలు వున్నాయి. ఆ సినిమాకు ఆ నిర్మాత రెగ్యులర్ సినిమా ఫైనాన్షియర్ల నుంచి కాకుండా, తన స్వంత పరిచయాల నుంచి తెచ్చారని తెలుస్తోంది. 

ఓవర్ సీస్ లో సినిమాలు కొనే సంస్థ అధిపతి కూడా కొంత ఫైనాన్స్ చేసారని వినికిడి. మొత్తం మీద ఇలా చాలా ఫైనాన్స్ లు ఆ సినిమా కోసం తెచ్చారని తెలుస్తోంది.