ప్రభాస్ దగ్గర రూల్స్ నడుస్తాయా?

కొంతమంది హీరోల దగ్గర కొన్ని రూల్స్ పనిచేయవు. ఎంత ప్రయత్నించినా వర్కవుట్ కావు. అలాంటి హీరోల్లో ఒకడు ప్రభాస్. ఈ హీరో దగ్గర ఓ కండిషన్ పెట్టాడంట దర్శకుడు సందీప్ రెడ్డి వంగ. మరి ఆ కండిషన్ ఏంటో తెలుసా?

ప్రభాస్ ను బల్క్ కాల్షీట్లు కోరాడంట సందీప్. స్పిరిట్ సినిమా కోసం వరుసగా కాల్షీట్లు కావాలని, కంటిన్యుటీ మిస్సవ్వకుండా ఉండేందుకు ఈ పని చేయాలని కండిషన్ పెట్టాడంట. ఇది సాధ్యమయ్యే పనేనా?

ఒకేసారి 2-3 సినిమాలు చేస్తున్న ఏకైక స్టార్ హీరో ప్రభాస్. రాజాసాబ్ సెట్స్ పై ఉంది. ఫౌజీ (వర్కింగ్ టైటిల్) కూడా షూటింగ్ నడుస్తోంది. ఇలాంటి టైమ్ లో స్పిరిట్ కోసం బల్క్ కాల్షీట్లు కోరడం అత్యాశే అవుతుంది.

ఈ సినిమా కోసం ప్రభాస్ ఇప్పటికే కాస్త సన్నబడ్డాడు. చేయబోయేది పోలీస్ పాత్ర కాబట్టి, దానికి తగ్గట్టు ఫిజిక్ ను మార్చుకుంటున్నాడు. రీసెంట్ గా ప్రభాస్ కొత్త లుక్ ఫొటోలు కూడా బయటకొచ్చాయి. మరోవైపు ప్రభాస్ పోలీస్ గెటప్ ను ఆర్టిఫిషియల్ ఇంటలిజెన్స్-ఏఐలో జనరేట్ చేస్తూ చాలా వీడియోలు సోషల్ మీడియాలో కనిపిస్తున్నాయి.

ఇప్పటికే ఈ సినిమా ఆలస్యమైంది. లెక్కప్రకారం గత నెల్లోనే సినిమా షూట్ ప్రారంభం కావాలి. ఈ వేసవిలో రెగ్యులర్ షూట్ మొదలుపెట్టాలనుకుంటున్నారు. సినిమాకు సంబంధించి చాన్నాళ్ల కిందటే మ్యూజిక్ సిట్టింగ్స్ మొదలుపెట్టిన దర్శకుడు, తాజాగా నటీనటుల ఎంపిక కూడా పూర్తి చేశాడు.