అమ్మ మాట..తండ్రి బాట..గని

వరుణ్ తేజ్ లేటెస్ట్ మూవీ గని ట్రయిలర్ వచ్చేసింది. కోవిడ్ కారణంగా ఆలస్యం అవుతూ వస్తోందీ సినిమా. ఆఖరికి ఏప్రిల్ మొదటి వారంలో విడుదలకు రెడీ అవుతోంది. 

ఈ నేపథ్యంలో ట్రయిలర్ విడుదల చేసారు. బాక్సింగ్ రింగ్ లోకి దిగనని తల్లికి ఇచ్చిన మాట…బాక్సింగ్ లో విజేతగా నిలిచి తండ్రికి తగిన కొడుకు అనిపించుకోవాలనే ఆశ..ఈ రెండింటి మధ్య నలిగిన కొడుకుగా వరుణ్ తేజ్ పక్కాగా సరిపోయాడు.

బాక్సర్ గెటప్ లో గని పక్కాగా మేకోవర్ తో పాత్రకు తగినట్లు ఫిట్ గా కనిపించాడు. కేవలం క్రీడా నేపథ్యపు సినిమాగా మాత్రమే కాకుండా, ఫ్యామిలీ ఎమోషన్లు జ‌తచేసినట్లు ట్రయిలర్ క్లారిటీ ఇచ్చింది. దాంతో పాటే హీరోయిన్ ట్రాక్, ఫన్, లవ్ కూడా జోడించారు.

టోటల్ గా సినిమా పక్కా కమర్షియల్ ప్యాక్డ్ గా కనిపిస్తోంది. థమన్ అందించిన బ్యాక్ గ్రవుండ్ స్కోర్ బాగుంది. బాబి, సిద్దు నిర్మించిన ఈ సినిమాకు కిరణ్ దర్శకుడు. వరుణ్ తేజ్ సినిమా తెరపైకి వచ్చి చాలా గ్యాప్ వచ్చింది. అందువల్ల ఈ సినిమా కోసం వరుణ్ ఫ్యాన్స్ ఎదురుచూస్తున్నారు.