కంగువా.. కల్కి.. దిశా పటానీ

కమర్షియల్ సినిమాల్లో హీరోయిన్ పాత్రల్లో పెద్దగా కొత్తదనం ఉండదు. హీరో పక్కన కనిపించామా, పాటల్లో డాన్స్ చేశామా, అందాలు ఆరబోశామా అన్నట్టుంటుంది. అయితే ఎంత రొటీన్ క్యారెక్టర్ అయినప్పటికీ, ఏదో చిన్న తేడా అయినా ఉంటుంది. దిశా పటానీ విషయంలో ఆపాటి చిన్న తేడా కూడా లేకపోవడం విశేషం.

రీసెంట్ గా సౌత్ లో 2 సినిమాలు చేసింది దిశా. ప్రభాస్ సరసన కల్కి, సూర్యతో కంగువా చేసింది. కల్కి, కంగువా సినిమాల్లో హీరోలు బౌంటీ హంటర్స్ గా కనిపిస్తారు. ఈ రెండు సినిమాల్లో, ఈ ఇద్దరు హీరోల సరసన ఒకే తరహా పాత్ర పోషించింది దిశా పటానీ.

ఇలా బౌంటీ హంటర్స్ ప్రేయసి పాత్రల్లో కనిపించడమే కామన్ అనుకుంటే, ఆ పాత్రలు మధ్యలో కట్ అవ్వడం మరో కామన్ పాయింట్. ఇటు కల్కి సినిమాలో, అటు కంగువా సినిమాలో దిశా పటానీ పాత్రలు అర్థాంతరంగా కట్ అవుతాయి.

అన్నట్టు కల్కి సినిమాలానే, కంగువా సినిమాకు కూడా పార్ట్-2 ఉంది. సినిమా క్లయిమాక్స్ లో ఆ విషయాన్ని ప్రకటించారు కూడా. కల్కి-2లో దిశా పటానీ పాత్ర రిపీట్ అవుతుందా అవ్వదా సస్పెన్స్. అదే విధంగా కంగువా-2లో కూడా ఆమె పాత్ర రిపీట్ అవుతుందా లేదా అనేది అప్పుడే చెప్పలేం.

ఉన్నంతలో దిశా పటానీ తన పాత్రకు న్యాయం చేసింది. సన్నివేశాల్లో ఆమె నటన సంగతి పక్కనపెడితే, ఓ సాంగ్ లో ప్రేక్షకులకు అందాల విందు అందించింది. సౌత్ లో చేయబోయే తదుపరి చిత్రంలో కూడా ఆమెకు మరో బౌంటీ హంటర్ దొరుకుతాడేమో..