షాకింగ్.. ఇంకా పెండింగ్ లోనే కల్కి?

ప్రభాస్ తాజా చిత్రం కల్కి. థియేటర్లలో ఈ సినిమా సూపర్ డూపర్ హిట్టయింది. పాన్ ఇండియా లెవెల్లో ప్రభాస్ స్టామినాను మరోసారి చూపించింది. ఓవర్సీస్ లో దుమ్ము దులిపింది. ఆ తర్వాత ఓటీటీలో కూడా సత్తా చాటింది.

మరి ఇన్ని రికార్డులు సృష్టించిన ఈ సినిమా శాటిలైట్ రైట్స్ హాట్ కేకులా అమ్ముడుపోవాలి కదా. ఈ పాటికే ఏదో ఒక ఛానెల్ ఈ సినిమా శాటిలైట్ రైట్స్ ను ఫ్యాన్సీ రేటుకు దక్కించుకోవాలి కదా. కానీ అలా జరగలేదు.

వినడానికి కాస్త ఆశ్చర్యంగా ఉన్నప్పటికీ ఇదే నిజం. కల్కి సినిమా శాటిలైట్ డీల్ ఇంకా పూర్తికాలేదు. ప్రారంభంలో స్టార్ మా ఛానెల్ చుట్టూ తిరిగిన ఈ సినిమా, ఇప్పుడు జీ గ్రూప్ దగ్గర ల్యాండ్ అయింది.

సినిమా శాటిలైట్ రైట్స్ తీసుకునేందుకు జీ గ్రూప్ సూచనప్రాయంగా అంగీకరించింది. రేటు కూడా లాక్ అయింది. అయితే అగ్రిమెంట్ మాత్రం ఇంకా పూర్తికాలేదని తెలుస్తోంది. మిగతా భాషల శాటిలైట్ రైట్స్ పై ఓ అవగాహనకు వచ్చిన తర్వాత అగ్రిమెంట్ చేస్తారట.

ప్రపంచవ్యాప్తంగా సూపర్ హిట్టయిన కల్కి సినిమా ఇంకా శాటిలైట్ డీల్ పూర్తిచేసుకోకపోవడం కాస్త ఆశ్చర్యం కలిగించే విషయమే. శాటిలైట్ మార్కెట్ ఏ స్థాయిలో పడిపోయిందో చెప్పడానికి బహుశా కల్కికి మించిన ఉదాహరణ ఉండదేమో.