పవన్, బాలయ్యతో వైట్ల ఎందుకు సినిమా చేయలేదు

23 ఏళ్లుగా ఇండస్ట్రీలో ఉన్నాడు. చిరంజీవి, నాగార్జున, మహేష్ బాబు, ఎన్టీఆర్ లాంటి హీరోలతో సినిమాలు చేశాడు. కానీ పవన్ కల్యాణ్, బాలకృష్ణతో మాత్రం సినిమాలు చేయలేకపోయాడు. ఇన్నేళ్లలో పవన్ కల్యాణ్ తో ఒక్క సినిమా కూడా చేయలేకపోయినందుకు చాలా బాధగా ఫీలయ్యాడు శ్రీనువైట్ల.

“పవన్ కల్యాణ్ తో సినిమా చేసి ఉంటే బాగుండేది. మనసులో బాగా ఉంది. ఆయనతో నాకు బాగా సింక్ ఉంటుందని నా ఫీలింగ్. ఆయన ఇమేజ్, బాడీ లాంగ్వేజ్ కు నేను, నా కథలు బాగా సూట్ అవుతాయని నా స్ట్రాంగ్ ఫీలింగ్. పవన్ కల్యాణ్ నుంచి ఆఫర్ కూడా వచ్చింది. కానీ అది జరగలేదు. 2 సార్లు కలిశాం. కానీ ఆ టైమ్ లో పవన్ కు సూటయ్యే లైన్ నేను పట్టుకోలేకపోయాను. అలా మిస్సయింది.”

ఇలా పవన్ కల్యాణ్ తో సినిమా చేయలేకపోయినందుకు బాధ వ్యక్తంచేశాడు శ్రీనువైట్ల. అదే టైమ్ లో బాలయ్యతో కూడా సినిమా చేయలేకపోయాడు వైట్ల. బాలకృష్ణను డిఫరెంట్ గా చూపించేందుకు మైండ్ లో చాలా ప్లాన్స్ వేసుకున్నానని, కానీ కార్యరూపం దాల్చలేదన్నాడు.

“బాలకృష్ణను దర్శకులంలా ఒకేలా చూపిస్తున్నారు. దాన్ని అలానే ఉంచుతూ, నా మార్కు ఎంటర్ టైన్ మెంట్ లో బాలయ్యను చూపించాలని అనుకున్నాను. చాలా ఆలోచించాను, ప్రయత్నం చేశాను. 2 సార్లు కలిశాను కానీ కథలు చెప్పలేదు.”

ప్రస్తుతం వైట్ల చేతిలో మంచు విష్ణు హీరోగా డీ అండ్ డీ (డబుల్ డోస్) అనే సినిమా మాత్రమే ఉంది. ఈ మూవీ కాకుండా మరో 3 స్క్రిప్టులు రెడీగా పెట్టుకున్నాడు. ఈ సినిమాలు సక్సెస్ అయితే మరోసారి మహేష్ బాబును కలుస్తానంటున్నాడు ఈ దర్శకుడు.