తురుమ్ ఖాన్‌లు టీజర్ విడుదల

మాధవరావు సమర్పణలో కెకె.సినిమాస్ పతాకంపై కళ్యాణ్ రావు నిర్మిస్తున్న చిత్రం తురుమ్ ఖాన్‌లు. రూరల్ బ్యాక్ డ్రాప్ లో టామ్ అండ్ జెర్రీ లాంటి పాత్రలతో డార్క్ హ్యూమర్ జానర్ లో తెరకెక్కిన ఈ చిత్రంలో 50 మందికి పైగా నూతన మరియు థియేటర్ ఆర్టిస్టులు నటించారు. 

శివకళ్యాణ్ దర్శకత్వం వహిస్తున్నారు. అన్ని కార్యక్రమాలు పూర్తి చేసుకొన్న ఈ చిత్రం టీజర్ ని ప్రముఖ దర్శకుడు పరశురామ్ బుజ్జి విడుదల చేశాడు. పూర్తి ఆర్గానిక్, మాస్ కామెడీగా కేవలం 21రోజుల్లో వందశాతం గింబల్ తో షూట్ చేసి, కొత్త విధానంలో తెరకెక్కించారు.

ఈ తురుమ్ ఖాన్‌లు గురించి దర్శకుడు పరశురామ్ మాట్లాడుతూ..."లోకల్ ఇతివృత్తాలు గ్లోబల్ లో ఆవిష్కరించాలి. ఈ యంగ్ టీమ్ చేసిన ప్రయత్నం అలాగే ఉంది ఈ చిత్రం మేకింగ్ చేసిన విధానం వింటే చాలా విచిత్రంగా అనిపించింది .. స్టాండర్డ్ మేకింగ్. నైపుణ్యం కలిగిన నటులు వీటివల్ల ఈ చిత్రం చాలా ఇంట్రెస్టింగ్ గా, కామిక్ గా చూడాలనే ఆతృత కలిగించేలా ఉంది. టీమ్ అందరికీ శుభాకంక్షలు అన్నారు.

దర్శకుడు శివ కళ్యాణ్ మాట్లాడుతూ..ఫుల్ ఎంటర్టైన్మెంట్ తో కూడిన ఈ చిత్ర ట్రైలర్ త్వరలో విడుదల కానుంది. టీజర్ బాగుందని అందరూ అంటున్నారు. సాధ్యమైనంత త్వరగా తురుమ్ ఖాన్‌లు ప్రేక్షకుల ముందుకు తీసుకొని వస్తాము అన్నారు.