Epaper
మామూలుగానే మీడియాకు దూరంగా ఉంటాడు ప్రభాస్. ఇక బుల్లితెర గురించి ప్రత్యేకంగా చెప్పేదేముంది. టీవీ కార్యక్రమాలు, షోలకు చాలా దూరంగా ఉంటాయి. అలాంటి ఈహీరో చాన్నాళ్ల గ్యాప్ తర్వాత టీవీలో కనిపించబోతున్నాడు. ఓ టీవీ షోకు ప్రత్యేక అతిథిగా హాజరయ్యేందుకు ప్రభాస్ అంగీకరించాడు.
జీ తెలుగులో పాపులర్ ప్రొగ్రామ్ కొంచెం టచ్ లో ఉంటే చెబుతా. ప్రదీప్ యాంకరింగ్ తో మరోసారి ఈ సిరీస్ ను ప్రారంభింస్తోంది ఆ ఛానెల్. ఇందులో భాగంగా ప్రభాస్ ఇంటర్వ్యూతో తొలి ఎపిసోడ్ ను లాంఛ్ చేయాలని సదరు ఛానెల్ తీవ్రంగా ప్రయత్నిస్తోంది.
నిజానికి దీనికి సంబంధించి ఇంకా పనులు ప్రారంభంకాలేదు. ప్రభాస్ ను ఒప్పించే పనుల్లోనే ఉన్నారింకా. ప్రభాస్ కూడా ఈ షోలో పాల్గొనడానికి దాదాపు అంగీకరించినట్టే తెలుస్తోంది. దీనికి కారణం సాహో సినిమా. సాహో సినిమా హిందీ శాటిలైట్ హక్కుల్ని జీ గ్రూప్ దక్కించుకుంది.
ఏకంగా 50 కోట్ల రూపాయలు చెల్లించింది. ఆ చనువుతో నిర్మాతలను సంప్రదించి, ఈ షోలో కనిపించేందుకు ప్రభాస్ ను ఒప్పించింది. ఇంకా చెప్పాలంటే, సాహో ప్రచార కార్యక్రమాలు ఈ షో నుంచే ప్రారంభం అవుతాయన్నమాట. సినిమాకు సంబంధించి ఎన్నో ఎక్స్ క్లూజివ్ విశేషాలను ఈ ప్రొగ్రామ్ లో బయటపెట్టబోతున్నాడు ప్రభాస్.