ఇక ఇప్పుడు మహేష్- ఎన్టీఆర్ వంతు

ఒక్క గ్లింప్స్ తో సిక్సర్ షాట్ కొట్టి ఫ్యాన్స్ ను ఉర్రూతలగించాడు రామ్ చరణ్. సరైన సినిమాతో వస్తున్నా అని క్లారిటీగా చెప్పాడు. బన్నీ కూడా అట్లీ సినిమా గ్లింప్స్ తో ఎలాంటి ఇంటర్నేషనల్ స్టాండర్డ్ సినిమా ఇవ్వబోతున్నాడో చెప్పేసాడు.

యంగ్ హీరోలు ఇలాగే వుండాలి. కెరీర్ విషయంలో ఒకరితో ఒకరు పోటీ పడాలి. మంచి మంచి సినిమాలు అందించాలి. టాప్ హీరోలు అందరి నడుమ కనిపించని పోటీ నడుస్తోంది. సరైన లైనప్ కోసం ఎవరి ప్లానింగ్ వారిది. ఎవరి ప్రయత్నాలు వారివి. అలా ప్లాన్ చేసిన సినిమాలకు సరైన బజ్ వచ్చేలా జనాల్లోకి హింట్ కంటెంట్ ఇవ్వడం కూడా ఓ ఆర్ట్ గా మారింది ఇప్పుడు.

ఇప్పటికే చరణ్ నుంచి అలాంటి కంటెంట్ వచ్చింది. బన్నీ నుంచి వచ్చింది. రావాల్సింది అసలు సిసలు కంటెంట్ మహేష్- రాజమౌళి నుంచి. కానీ అది ఇప్పుట్లో వస్తుందని అనుకోవడానికి లేదు. ఎందుకంటే రాజమౌళి స్టయిల్ వేరు. ఆయన కంటెంట్ వస్తేనే పండగ.. అంతే తప్ప కంటెంట్ కోసం అకేషన్ అక్కరలేదు.

ఎన్టీఆర్ నుంచి కూడా రావాల్సి వుంది. వార్ 2 సంగతి పక్కన పెడితే ప్రశాంత్ నీల్ సినిమా గురించి ఇలాంటి వీడియో బైట్ రావాలి. సోషల్ మీడియా మామూలుగా ఊగిపోదు అప్పుడు.

ప్రభాస్ కు ఇలాంటివి అక్కరలేదు. ఎందుకంటే ఆయన అలా వరుసగా సినిమాలు చేసుకుంటూ వెళ్లిపోతారు. ఈ అనౌన్స్ మెంట్ లు అలాంటివి పట్టించుకోరు. అందువల్ల ఇప్పుడు వెయింటింగ్ అంతా ముందుగా ఎన్టీఆర్- నీల్ గ్లింప్స్ కోసమే.