దేవర 2 ఇప్పుడా? ఎప్పుడు?

ఎన్టీఆర్ సినిమాల లైనప్ అంటే వార్ 2, ప్రశాంత్ నీల్, నీల్సన్ అంటారు ఎవరైనా. ఎందుకంటే దేవర 2 ఎప్పుడు వుంటుందో ఎవరికీ క్లారిటీ లేదు. కానీ ఇటీవలే ఓ ఈవెంట్ లో ఎన్టీఆర్ మాట్లాడుతూ దేవర 2 వుంటుంది అని పక్కాగా క్లారిటీ ఇచ్చేసారు. దాంతో అభిమానులు కొందరు హ్యపీ అయ్యారు. కొందరు ఎందుకు దేవర 2 అనుకున్నారు.

ఇలాంటి నేపథ్యంలో ‘గ్రేట్ ఆంధ్ర’ కు ఇచ్చిన ఇంటర్వూలో నందమూరి కళ్యాణ్ రామా క్లారిటీ ఇచ్చేసారు. దేవర 2 వుంటుందని చెప్పడమే కాదు ఎప్పుడు వుంటుందో కూడా చెప్పారు.

దేవర కన్నా ముందే వార్ 2 ఎన్టీఆర్ ఓకె చేసారని, అలాగే సలార్ కన్నా ముందే ప్రశాంత్ నీల్-ఎన్టీఆర్ సినిమా ఖరారు అయిందని కళ్యాణ్ రామ్ వివరించారు. అభిమానులు దేవర 2 సినిమా కావాలని కోరుకుంటున్నారని, అందువల్ల తప్పకుండా వుంటుందని, అంతే కాదు, నీల్సన్ సినిమా కన్నా ముందే వుంటుందని క్లారిటీ ఇచ్చారు.

నిజానికి దేవర 2 సినిమాను తన లైనప్ లో ఎన్టీఆర్ ఎక్కడ ఇముడుస్తారా అన్నది ఇన్నాళ్లూ క్వశ్చన్ గా వుంటూ వచ్చింది. కళ్యాణ్ రామ్ చెప్పినదాన్ని బట్టి చూస్తుంటే నీల్సన్ సినిమా చాలా ఆలస్యమయ్యేలా కనిపిస్తోంది.