జాన్వీ కపూర్ నైట్ షిఫ్టులు

జాన్వీ కపూర్ కు నైట్ షిఫ్టులు మొదలయ్యాయి. ఈరోజు నుంచి ఆమె నిద్రలేని రాత్రులు గడపబోతోంది. ఇదంతా రామ్ చరణ్ సినిమా కోసమే.

రామ్ చరణ్, బుచ్చిబాబు సినిమాకు సంబంధించి ఈరోజు నుంచి మరో షెడ్యూల్ ప్రారంభమైంది. అది నైట్ షెడ్యూల్. ఈ షెడ్యూల్ లో చరణ్-జాన్విపై కొన్ని కీలక సన్నివేశాలు తీయబోతున్నారు.

నిజానికి ఈ సినిమాకు నైట్ షెడ్యూల్స్ కొత్త కాదు. ఆల్రెడీ అలాంటి షెడ్యూల్ ఒకటి పూర్తి చేశారు. కాకపోతే అప్పుడు చరణ్ ఒక్కడే పాల్గొన్నాడు. హీరోయిన్ జాన్వి కపూర్ కు ఇదే తొలి నైట్ షెడ్యూల్.

ఇంకా పేరు పెట్టని ఈ సినిమాను బుచ్చిబాబు దర్శకత్వంలో రూరల్ స్పోర్ట్స్ డ్రామాగా తెరకెక్కిస్తున్నారు. పెద్దగా గ్యాప్స్ ఇవ్వకుండా ఈ సినిమా షూటింగ్ ను పూర్తి చేస్తున్నాడు రామ్ చరణ్.

ఆర్ఆర్ఆర్, గేమ్ ఛేంజర్ సినిమాల కోసం చాలా టైమ్ కేటాయించిన ఈ హీరో, బుచ్చిబాబు సినిమాను మాత్రం వీలైనంత తొందరగా కంప్లీట్ చేయాలనుకుంటున్నాడు. ఏఆర్ రెహ్మాన్ ఈ సినిమాకు సంగీతం అందిస్తున్నాడు.