100 కోట్లు.. 1 మిలియన్.. ఏది ముందు?

పాజిటివ్ రివ్యూలతో మొదలైన తండేల్ ఇప్పుడు కిందామీద పడుతోంది. ఫస్ట్ వీకెండ్ బాగానే నడిచిన ఈ సినిమా ప్రస్తుతం తక్కువ ఆక్యుపెన్సీతో కొనసాగుతోంది. ఇటు వంద కోట్ల రూపాయల పోస్టర్ కు, అటు మిలియన్ డాలర్ మార్క్ కు అడుగు దూరంలో నెమ్మదించడం యూనిట్ కు టెన్షన్ గా మారింది.

మొదటి 2 రోజులు ఈ సినిమాకు వచ్చిన రెస్పాన్స్ చూసి వంద కోట్లు గ్యారెంటీ అనుకున్నారు. ‘నాగచైతన్యకు రికార్డ్ ఇస్తున్నాం’ అంటూ వేదికలపైనే ఘనంగా ప్రకటించుకున్నారు. కానీ తండేల్ సినిమా ప్రస్తుతం థియేటర్లలో అపసోపాలు పడుతోంది.

నిన్నటితో ఫస్ట్ వీక్ (7 రోజుల రన్) పూర్తి చేసుకున్న ఈ సినిమాకు ప్రపంచవ్యాప్తంగా 90.12 కోట్ల రూపాయల గ్రాస్ వచ్చింది. వంద కోట్ల పోస్టర్ పడాలంటే మరో 10 కోట్లు రావాలి. ఈ వీకెండ్ అంత మొత్తం రావడం దాదాపు అసాధ్యం.

దీనికి ఓ కారణం ఉంది. ఓవర్సీస్ లో ఈ సినిమా ఊహించని విధంగా డిప్ అయింది. ప్రీమియర్స్ తో కలిపి మొదటిరోజు చెప్పుకోదగ్గ వసూళ్లు సాధించిన ఈ సినిమా, వీకెండ్ తో సంబంధం లేకుండా పడిపోతూ వచ్చింది. టిక్కెట్ డిస్కౌంట్ల తర్వాత కాస్త కోలుకున్నట్టు కనిపించినప్పటికీ మిలియన్ డాలర్ క్లబ్ లోకి చేరుతుందా అనే సందేహాలు తలెత్తుతున్నాయి.