పుష్ప 2.. ఐటమ్ సాంగ్.. సక్సెస్ పార్టీ

పుష్ప వన్ హిట్ కు ఐటమ్ సాంగ్ ఎంత కీలకమో తెలిసిందే. నార్త్ బెల్ట్ ను ఊపేసింది.. ఊ అంటావా.. ఊ ఊ అంటావా అంటూ సమంత చేసిన పాట. ముఖ్యంగా హిందీ బెల్ట్ లోని మాస్ ఏరియాలను. ఇప్పుడు అందరి దృష్టి పుష్ప 2 లోని.. ఐటమ్ సాంగ్ మీదే వుంది. కానీ ఇది ఐటమ్ సాంగ్ కాదు, పార్టీ సాంగ్ అని తెలుస్తోంది.

పుష్ప ఇచ్చే సక్సెస్ పార్టీలో పాట అన్న మాట. సక్సెస్ పార్టీ అంటే ఓ వెసులుబాటు వుంటుంది. పార్టీకి వచ్చే గెస్ట్ లు ఎవరైనా సరే, ఓ చిన్న స్టెప్ వేసి, వెళ్లొచ్చు. అలా చాలా మందిని ఈ పాటలో భాగస్వాములను చేయచ్చు. బాలీవుడ్ సినిమాల్లో ఇలాంటి పాటలు వచ్చాయి కూడా.

పుష్ప 2లో ఇప్పుడు ఇలాంటి పాటే వుంటుందనే టాక్ వినిపిస్తోంది. శ్రీలీల ను ఈ సాంగ్ కోసం తీసుకున్నారన్న సంగతి తెలిసిందే. శ్రీలీలతో పాటు రష్మిక కూడా ఓ స్టెప్ వేస్తుందన్న సంగతి తెలిసిందే. ఈ ఇద్దరితో పాటు మళ్లీ పుష్ప వన్ లో చిందేసిన సమంత కూడా వచ్చి, ఊ అంటావా.. ఊ ఊ అంటావా అని పలకరించి వెళ్తుందట.

ఈ ముగ్గురు కాకుండా ఓ యంగ్ హీరోయిన్ ఒకరు కూడా చిన్న స్టెప్ వేస్తారని తెలుస్తోంది. ఈ హీరోయిన్ ఎవరు అన్నది ఇంకా బయటకు రాలేదు. అయితే మహిళలు ఎందరు డ్యాన్స్ చేసినా, ఇటు పక్క డ్యాన్స్ చేసేది మాత్రం హీరో బన్నీ ఒక్కరే.